UDr Khangelani DSD Mhlongo

Sekuyizo lezonsuku mthandi kaMaskandi zokuthi amaciko acikoze asilethele ukudla kwendlebe njengoba kuyilenyanga nje kaMeyi. Ezisematheni nje manje ukuphuma kwecwecwe lika Dubula Sodubulana uDr Khangelani Mhlongo owaziwa ngelika DSD kuyo lendima yomculo wesintu. Lensizwa isimnkantshubomvu emculweni kaMaskandi njengoba isineminyaka edlula ishumi nanhlanu ikule ndima . Maningi namava akhe asewabekile kuyo lendima, ingakho ke nje kungamangazi nokuthi … Read more

UZibokwakhe ‘Phuzekhemisi’ Mnyandu

UZibokwakhe Johnstone Mnyandu, owaziwa ngelika Phuzekhemisi wazalwa ngo-30 Novemba 1962, waziwa kabanzi njengenkosi yohlobo lomculo womdabu, umaskandi. Ngezingoma ezikhuluma ngempilo yendoda, usizi lwayo, amaphupho ayo, umculo kamaskandi akumangazi ukuthi ubizwe ‘ngeZulu Blues‘. Uhlukaniswe ngesitayela esikhethiwe sesigingci nezinkondlo zesiZulu ezikhulunywa ngokushesha, umculo kamaskandi uhlukile eNingizimu Afrika. Kepha lokho akusho ukuthi ayaziswa umhlaba wonke. UPhuzekhemisi udlalele izethameli … Read more

Khuphuka Nezakho (2018)

Kulenyanga kaLwezi bezibambene ngezihluthu kumculo kaMaskandi, kungongaphansi nongaphezulu kwimiqhudelwano ehlukahlukene. ULungelo Vilane ubeziqhathe phansi kumqhudelwano obizwa nge “Khuphuka Nezakho and Royal Traditional Music Awards”, okuwumncintiswano osungulwe yiyo lendoda nayo eyiciko likaMaskandi. Lomdlalo kaVilane unedumela kakhulu njengoba uma khona unyaka nonyaka eCurriesfountain kwelika Bhanana eThekwini, kanti ke maningi namaciko aba yingxenye yayo njengoba esuke eziveza kubalandeli … Read more

iMpucuzeko Maskandi Festival

Umfoka Mcineka ubeziqhathe phansi enkundleni  i-People’s Park kwelika Bhanana eThekwini kwi Mpucuzeko Festival, okuwumdlalo womculo kamasikandi waminyaka yonke. Lomcimbi uhanjelwa izinkumbi zabantu zamaqembu ahlukene ka Maskandi, njengoba nakulokhu bebebaningi ukudlula izimpethu zendlovu. Okugqame kakhulu ngalomcimbi odume ngendebe yomhlaba yamaciko kaMaskandi ubuhle bengqephu yabalandeli bamaqembu amaskandi, okubalwa kubo abalandeli ba Amageza Amahle abebephume ngobuningi, abalandeli baka … Read more

Khangelani

Lakhala icilongo, abafana bachela amahawu esibayeni, ezomgangela ziyodibana khona, kuyodiban’ umakhasana ilishay’ ikhanda inqwele, lophe kumfana liyogezwa emfuleni olohluleke ukuvika. Ugiye kwabonakala uKhangelani Mhlongo odume ngelika “DSD” weqembu Osaziwayo okuyiqembu elidumile ku maskandi, lensizwa izidlela amahlanga ngecwecwe layo lokuqala ezibiza ngegama lakhe, uKhangelani. Leli cwecwe lishisa izikhotha njengoba ngezinsuku ezimbili liphumile lidayise inani elingaphezu kwezinkulungwane … Read more

Inunu Emnyama

Ukuphuma kwelanga ekuseni kuveza ubuhle bezwe, kukhala izinyoni zitshikoza, ziculela ukubona ubuhle bezwe, kwename namathole etshakadula, kanti ke nathi thina bantu sithokozela ukubungaza impilo ngobumnandi bayo kanye nesilethela khona. Kodwa ke futhi ukusa akugcini ngokuphuma kwelanga, ngoba siyavuka ekuseni izulu lidinwe liveva, libafazi bedube inyama. Injabulo yokuphuma kwelanga iphikiswa izinyembezi ezifika nokuduma kwezulu, kuqhume isililo … Read more

Amachopha

Amachopha iqembu lika Maskandi eliphethwe uLangelihle Khanyile ofunda e-University of KwaZulu Natal Ethusini College. Lena insizwa esikhulile emculweni njengoba amagalelo akhe ake abonakala nakuBASCO, okuyiqembu lamasiko esintu khona eThusini la akaqhubeka khona nezifundo zokuthuthukisa umphakathi. Ushaya isiginci aphinde alekelele ngephimbo lakhe kulo leliqembu njengoba esekhulile emculweni noma umculo walo iqembu ungakatholakali ezitolo zomculo kanye nokudlalwa … Read more